当前位置：首页>美女资讯>東張女神報道案件、網民反而錯晒重點:身材迫爆

東張女神報道案件、網民反而錯晒重點:身材迫爆

2026-03-05 01:23:59

東張女神報道案件、網民反而錯晒重點:身材迫爆

【講女系列】

記得上個月先介紹過佢，諗唔到近日佢又再次成為「網民焦點」。

準確嚟講，應該話係因為佢身材好，搞到網民完全「搞錯重點」。

話說日前TVB嘅王牌資訊節目《東張西望》，就由「新晉女神」梁菁琳報道咗一單幾恐怖嘅跟蹤、襲擊案。

案件發生喺兩日前，化名叫Angel嘅後生女仔先喺尖沙咀同朋友慶生。

之後冇翻屋企，喺清晨5點幾直接準備行返公司。

喺佢行經某個路段嗰陣時，突然有個疑似醉酒嘅男人伸手出嚟搭佢膊頭。

Angel就即刻喝止對方啦，點知個男人唔單止唔驚唔走，仲一路尾隨佢跟蹤佢。

當跟到去Angel公司大廈時，仲夠膽死同佢一齊搭電梯翻上公司門口。

Angel就全程好驚好驚，又唔敢開門翻入公司。

之後佢唯有即刻用手機影住對方，同時質問對方究竟想點，然後又通知管理處同埋話報警。

點知一話報警，個男人即刻就失控發癲，甚至仲開始動粗襲擊Angel同埋看更人員。

之後仲一度想破壞管理處嘅CCTV系統，要毀滅證據咁話。

不過就喺阿Sir嚟到前嘅幾分鐘，就被佢走甩咗，直到依家仲未捉到人。

嗱案件大概就係咁喇。

即使係清晨，但因為喺尖沙咀咁旺嘅商業地段發生啲咁嘅事，原本案件都好值得大家注意同埋警惕嘅。

但點知，好多網民就居然錯晒重點！

將注意力全部落咗喺東張新晉女神、主持人梁菁琳以及事主Angel身上。

咁其實梁菁琳喺現場訪問時都著得幾低調嘅，灰色高領衫襯黑色短裙，但奈何身材真係迫爆。

於是網民咪錯晒重點囉。

而事主Angel雖然戴住帽同口罩，但運動裝就好fit，身材一樣睇得出好好。

所以兩個女仔一齊出鏡，即刻就成為咗網絡熱話。

網民唔單止瘋狂cap圖同洗版，仲留言進行比較：「市民同東張女神好難揀」、「我不嬲都好支持市民」、「東張女神真係靚女」等等。

眼見自己成為網民「熱點/錯重點」，梁菁琳亦都非常之識做，即刻就喺社交平台派發新一輯「福利靚相」。

而網民又點受得到咁多刺激呢，唯有「以讚相許」瘋狂like爆。

部分網民今次就唔再錯重點喇，反而好好奇咁喺度估梁菁琳呢輯相係咪真空上陣～

冇得救，真係冇得救，有時人性真係比案件仲要離奇。

不過又咁講，網民永遠都可以喺最嚴肅嘅新聞入面，搵到娛樂角度，都係一種群眾智慧嚟嘅～

相關文章：TVB「東張新女神」著戰衣、曬身材

‍‍

‍‍* 原創文章未經許可不得轉載或引用

◂ END ▸

本文来自网友投稿或网络内容，如有侵犯您的权益请联系我们删除，联系邮箱：wyl860211@qq.com 。

最新文章

随机文章