佘诗曼及陈炜昨晚在惠州宣传新剧，出席活动前，阿佘在网上分享跟MIRROR成员竹战的合照，本来赢钱的她叫ERROR成员肥仔代打，结果输清光！

至于陈炜剧中上演床战，更亲自钦点昔日“战友”古天祥上阵！

佘诗曼及陈炜主演的无綫新剧《正义女神》最近在网上平台率先播映，反应热烈，昨晚她们率领剧中演员周嘉洛、戴祖仪、马贯东及蒋祖曼赴惠州宣传，众人在商场内的玻璃天桥上亮相，虽然陈炜穿白色裙上阵，但事先知道现场环境，所以做足安全措施防走光。

阿佘获网民称赞演技精湛，有望5度封后，她谦称：“唔系我一个嘅功劳，台前幕后、监制、剧本，所有人都有功劳。

”剧中其中一幕她跟陈炜舌剑唇枪，她坦言第一次跟女对手演这种戏份，陈炜则自爆：“剧本唔系写到咁，系临场发挥，大家会叠声，更加真实。

”谈到主演的《新闻女王2》带挈广告及周边等不少商机，今次《正》剧亦一样，继续成为“吸金剧”招商，阿佘大呼开心：“感谢网民同观众支持，希望今次都做到更好，我能力范围做到已经做晒。

”陈炜大爆剧中跟古天祥有亲热戏，更由自己“钦点”对方：“锺澍佳（总监制）问我想搵边个做对手，我拣咗古天祥，因为我同佢识咗好多年。

以前喺亚视有个情人节宣传，就系由我同佢一齐拍，仲要有床戏，大家一次生两次熟，所以就搵咗佢。

（床戏有冇问准老公？

）有问过。

（老公睇完有乜意见？

）佢话点解段戏咁短！

”阿佘出席活动前，在社交网上载跟MIRROR成员Edan、Jeremy、Jer及ERROR成员肥仔等打麻雀的合照，她透露因工作关系要早走，叫肥仔帮手打，结果输清光，她笑说：“畀肥仔激死，我辛辛苦苦赢番嚟嘅钱，畀佢一铺清袋！

（点解个组合咁得意？

）已经系几年嘅事，每逢新年就会聚头，只系大家唔知。

（最后边个赢？

）当然肥仔，我咁多年来有赢过几十蚊，但因为今日要工作，所以寻晚冇得上诉。

”周嘉洛在无线新剧《正义女神》中饰演法官，展现全新形象，与以往在《爱·回家之开心速递》中饰演的金城安典型「废青」形象形成强烈对比，「废青安」不劳而获、搞鬼讨喜却不讨厌，经常与朱凌凌等好友闹出笑话，笑料百出。

他在接受访问时表示：「其实呢个角色都真系几有挑战，我觉得都几唔同，因为同我平时成个人或者系所有演嗰个角色都唔一样啦，呢个角色性格系寡然啲。

」周嘉洛续说：「希望啲fans唔好习惯，直头希望佢哋快啲适应，因为唔习惯我觉得系一个几必须要经过的阶段，我自己都好多年系行某一类型的角色，角色咗好多好多唔同的剧，咁所以我希望呢一套可以有一个挑战，希望观众都感受到。

」至于蒋祖曼与周嘉洛剧中演姊弟，嘉洛在宣传片中饰演奸角，经常喝骂蒋祖曼，问他会否担心角色不讨好会被观众闹？

他坦言已有心理准备，亦觉得剧集有讨论度更为重要，又自嘲闹“家姐”有报应，拍完后腰骨痛了整整两周！