《正義女神》喺內地平台率先播出後反應熱烈，目前累計有效播放量已經突破1.5億次，走勢凌厲。

劇中蔣祖曼同周嘉洛飾演一對姊弟，今次嘉洛受訪時話首次演態度認真嘅裁判官角色，仲有鬧家姐嘅場面，相信兩人會擦出唔少火花。

蔣祖曼日前喺社交平台分享同周嘉洛嘅合照，大讚對方好窩心，戲外都變成真姊弟。

佢話嘉洛怕佢肚餓，買咗一大堆零食俾佢醫肚：「一開工叫細佬幫我買包糖，結果佢全方位大包圍！

勁細心❤️戲內邵玲護著邵文長大，戲外換細佬給家姐投餵。

呢段姊弟情係雙向嘅🤣邵文，叫聲『家姐』嚟聽吓先啦❤️」唔少粉絲都留言讚嘉洛係暖男，仲話好期待兩姊弟喺劇中嘅表現，又感謝嘉洛照顧蔣祖曼。

而嘉洛亦喺帖文下面留咗好多個心心表情，睇嚟兩人戲裡戲外都感情好好。