当前位置：首页>美女资讯>正義女神|陳煒大派高帽佘詩曼:我都需要好對手

正義女神|陳煒大派高帽佘詩曼:我都需要好對手

2026-05-02 23:51:34

4屆視后佘詩曼（阿佘）與陳煒昨日現身劇集大結局活動，陳煒向她大派高帽，直言沒有對方，就不會有如此精彩演出，阿佘更令她要使出十成功力來應付，對此阿佘亦謙稱：「咁我都需要好對手嘅！」二人可謂惺惺相惜！無綫劇集《正義女神》昨晚大結局，總監製鍾澍佳率領台前幕後包括阿佘、陳煒、譚耀文、周嘉洛、馬貫東、蔣祖曼、劉倬昕、黃庭鋒、陳若思及倪嘉雯等總動員現身商場觀看結局，場內坐了近400名嘉賓，場外及其他樓層則站滿數百粉絲，當中以阿佘的粉絲最人多勢眾，場面墟冚。

陳煒以綠色晚裝現身，略見性感，她指服裝由老公為她挑選。提到本報早前獨家披露《正》劇快將開拍前傳《模範律師團》，並由她擔任女主角，她坦言拍攝正劇時已知鍾澍佳有此構思，對於有機會跟視帝羅嘉良合作，她開心地說：「我都好期待，拍佳導嘅劇最幸運係可以同好多前輩合作，好似今次同阿佘合作，因為係阿佘，所以有啲場口先可以咬得咁緊，否則好多法庭戲未必有咁好效果。（阿佘唔會演前傳，覺得美中不足？）據我所知故事係講《正義女神》之前10年嘅故事，係講律師為主，阿佘係法官，所以冇佢。（希望佢客串？）咁益佢？梗係最難先畀佢做。（《正》劇會唔會有續集？）聽佳導講好似考慮緊，睇阿佘。（怕唔怕你冇份？）可能未必用律師身份出現。」而陳煒早前在專訪中同樣對阿佘這位對手讚不絕口，笑指對方逼得她要施展渾身解數，使出十成功力迎戰：「今次真係遇到好強嘅對手，要將自己啲嘢逼晒出嚟，唔可以做得差，因為所有人都做得好好。」她直指角色是近年最大挑戰，事前花了很多時間理解案情和熟讀劇本：「法庭戲真係好難，有好多專業用語，所以對白要滾瓜爛熟先可以拋到書包，做到個氣勢出嚟。」不排除開拍續集至於阿佘被網民稱讚演技升級，連眼眉毛都有戲，阿佘謙稱：「今次使命希望做到同Man姐（《新聞女王》角色）唔同，冇Man姐影子，自己已經好滿意，算有交代。（陳煒話你逼佢使出十成功力？）又唔可以咁講，我都好需要好對手，火花都係咁擦出嚟！」談到將開拍的前傳，阿佘直認自己冇份，問到會否感可惜？她說：「仲有好多強勁班底。（你有冇機會喺前傳嘅彩蛋出現？）唔知呢？」雖然無緣拍前傳，但問到可會拍續集時？她認為最重要是劇本，不想為拍而拍。另外，阿佘在社交網晒出手臂曬傷照片，她解釋因日前到馬來西亞工作，烈日當空下曬足兩小時，笑說：「真係畀當地粉絲錫到燶晒！」另外，鍾澍佳談到前傳時，坦言羅嘉良已答允演出：「傾得差唔多，我同佢係北京鄰居，佢應承咗。（前傳會唔會有阿佘客串？）未必有佢。」他透露今年1月已開始構思劇本，現時寫得差不多，寄望5月能開拍，至於會否開拍續集，他叫大家給他時間：「我要搜集資料，依家啲觀眾好貪心，唔容易招呼，要畀時間準備。」提到《正》劇閃卡搶購一空，他稱會出番外閃卡，並開玩笑指會加入阿佘的泳衣照。

陳煒、譚耀文與佘詩曼於劇中的法庭對手戲，看得劇迷肉緊。

陳煒直認今次拍《正》劇，使出全數功力！

陳煒以綠色晚裝現身，她指服裝由老公為她挑選。

佘詩曼獲大批粉絲撐場。

佘詩曼到場啦！

陳煒向佘詩曼大派高帽。

劉倬昕帶着劇中角色「高成彬」的殺人紀念品公仔現身，夠晒入戲。

黃庭鋒將有份參與前傳拍攝。

《正》劇一眾演員齊齊睇大結局，並感謝劇迷支持。周嘉洛暗示想離《家》　多劇同出怕觀眾嫌棄對於劇集迎來大結局，周嘉洛與蔣祖曼皆直言感到不捨，提到嘉洛被讚在劇中成功轉型，他謙稱未完全成功，希望可以接拍更多不同類型的角色，問到近日在電視多個時段都看到他的演出，被網民形容為「周嘉洛特輯」，他表示明白觀眾會感到嫌棄和反感，亦怕大家看完《愛．回家之開心速遞》會抽離不了，但播畢便會沒有：「始終《愛．回家》都成3,000幾集，對咗10年啦，都想觀眾可以抖番一年半載，佢哋都辛苦喇！（唔想再拍《愛．回家》？）想試啲新嘢，因為有時拍正劇都唔覺意加咗啲輕喜劇落去。」至於提到有網民大讚他變得更靚仔，他謙虛表示從沒想過，又笑言本身已是靚仔，自爆風水師曾勸他不要以外表為賣點，否則會注定失敗，強調自己是以內涵及才華作賣點，身旁的蔣祖曼即讚他平日很正經，拍攝時也覺得他很靚仔，嘉洛聞言相當愕然：「我應該係心地靚仔！」此外，提到前傳，二人表示沒有收到消息，未知會否有份參演，問嘉洛會否想其角色「鄭官」擔正，他即耍手擰頭拒絕：「千祈唔好，擔正好大壓力！」

蔣祖曼與周嘉洛表示暫未知會否參演劇集前傳。閃卡潮翻Hit「言官」最搶手藝人倪嘉雯（Carmen）與陳若思（Amber）受訪時談到觀眾紛紛敲碗續集，劇中角色已死的Carmen直言應無緣參與續篇：「不過睇網上消息話有前傳，如果係就仲有機會！」而Amber飾演的變態角色雖被捕入獄，但留有伏線，她指若有續集，角色出獄後可繼續挑戰演技，又自嘲經常被監製睇中演變態角色：「唔通我個樣真係咁變態？」不過她強調不介意被定型，更希望有機會演殺人角色。提到近期推出的劇集限定收藏卡，Carmen自爆早前因卡盒斷貨而要託同事「代購」。今次《正義女神》進軍集換式卡牌市場，當中16款有演員簽名，甚具珍藏價值。首批於網上開售僅15分鐘即告全線沽清，而見大部分人最恨收到是「言官」佘詩曼的閃卡。