当前位置：首页>美女资讯>籃球女神愛伸脷,著比堅尼派福利

籃球女神愛伸脷,著比堅尼派福利

2026-05-07 00:34:46

籃球女神愛伸脷,著比堅尼派福利

【講女系列】

鍾意運動嘅女星幾時都咁有吸引力。

就好似憑住清爽短髮、修長美腿同埋健康陽光形象，被譽為香港新一代「籃球女神」嘅蘇皓兒咁。

日前佢喺社交平台po咗幾輯福利靚相，睇到網民嘩嘩聲、大讚索靚正。

話說最近蘇皓兒受沖繩石垣島觀光局嘅邀請，過去拍咗一個旅遊宣傳片。

攞正牌著上藍色比堅尼，突顯長腿同線條嘅佢，就玩起立式划槳，然後喺海中心欣賞美景。

之後佢仲笑住做出招牌「伸脷」動作，真係又可愛又甜美又吸引。

搞到網民紛紛起哄，大讚佢「人靚景靚全部都靚」、「我要人工呼吸」、「陽光小甜心」、「好L正已經石更晒」等等。

32歲嘅蘇皓兒，雖然拍電視拍電影唔算多，但早就已經係唔少香港網民心目中嘅「宅男女神」、「運動女神」、「籃球女神」。

因為鍾意運動，尤其係籃球，170cm又有一定技術，所以曾經被形容為「球場晴子」。

而除咗籃球之外，佢亦都活躍於健身、瑜珈、攀山同埋潛水，仲經常喺社交平台分享運動靚相派福利，相當得人鍾意。

自細就係靚女嘅蘇皓兒，14歲就參加「Yes!校花選舉」最後入圍20強，16歲開始做模特兒邊讀書邊拍廣告。

憑住樣靚身材正，再加上活力笑容同陽光氣質，之後成功由模特兒轉型為演藝界動靜皆宜嘅運動型演員。

2015年嘅時候，透過商台節目《好出奇》招募，加入女子組合「As One」成為副唱同門面擔當，之後仲去咗韓國受訓。

而有一期佢留住長髮，唔少網民仲笑佢似周慧敏𠻹。

2017年女團解散之後開始拍劇，第一套劇係參與ViuTV嘅《瑪嘉烈與大衛系列前度》。

2018年拍陽光檸檬茶復刻廣告，亦都係因為外貌似周慧敏，又一次引起唔少話題。

之後蘇皓兒亦都有喺TVB拍過劇集，參與過《那些我愛過的人》、《金宵大廈2》、《富貴千團》等等。

而喺《金宵大廈2》當中，佢就更加破格，以爛面造型同伍詠薇對戲，成功引起話題，令更多觀眾開始留意佢。

之後佢又返番ViuTV，其中參加嘅真人實境節目《足球女將》，就令佢「運動女神」形象更加突出，呢個節目要求一班參加者進行半年地獄式訓練。

蘇皓兒就係由零開始學踢波，晨早5點起身練到面容扭曲，邊跑邊扯蝦，仲喊過好多次。

不過好勝心強嘅佢堅持落去，最後洗脫只有「1分鐘體能」嘅污名，成為球隊8號負責中場。

唔少觀眾睇完節目之後都讚佢拋開女神包袱，變得堅毅又硬淨。

至於感情方面，蘇皓兒一直都比較低調，只係公開承認過拍過兩年拖。

之後雖然同過「港姐殺手」羅天宇、「金像獎新晉導演」黃進傳過緋聞，但佢就全部都否認過。

只係話依家享受單身，專注工作同埋自己嘅興趣。

而性格開朗嘅佢，好多時影相都會做出伸脷嘅可愛pose，令唔少網民一直都話佢咁樣好吸引、好陽光、好玩樂。

又係嘅，又可愛又陽光，笑容又治癒，點會唔吸引一眾網民呢～

‍‍* 原創文章未經許可不得轉載或引用

◂ END ▸

本文来自网友投稿或网络内容，如有侵犯您的权益请联系我们删除，联系邮箱：wyl860211@qq.com 。

最新文章

随机文章