点击“学上海话”了解更多精彩内容【学上海话】镬灶伴话闲话肉丝作者：白米朗读：郁琴妹词语注释：杨张悦、张林龙肉丝像百搭，荤素侪好烧。

屋里常备伊，客来加一菜。

今年过日脚，有眼磕磕碰碰起起伏伏个感觉。

春节一到，全国一片惊恐，独怕新冠病毒到处乱窜，怕防勿胜防莫名其妙拨伊过着（gushak传染到）了，据讲发病急死亡率高。

好勒我伲国家是有举全国之力全民防治个体制优势，全国支援江城，各地严防死守，人人闷牢勒屋里，勿多长远（shanyhuoe许多时日；很久）就拿（'ne〈介〉把）疫（役、育、昱、浴、欲）情控制住了，全国人民终于松了口气。

葛末，人睏勒屋里勿出门，勿工作勿生产，吃穿哪能办？

交关城市封城封路，物流勿通，副食品供应是大问题，市场浪物价涨声叠起也是意料之中个事体。

首当其冲是猪肉，一路攀升到旧年同期个双倍价钿（因为同时还受前期非洲猪瘟影响而大量减产），然后鸡啊鸭啊鱼啊蔬菜啊侪伴猪起舞步步高了。

还是要感谢政府全盘着棋（zak jhi①下棋。

②运筹帷幄。

着沪语同音字：匝、咂、扎、札、轧、眨、蚱、摘、窄、只、灼、酌），多管齐下，总算呒没让物价飞涨，保证了人民群众日常生活个需要，物价慢慢叫回落了。

近抢把（jinqianbo近段时间里，最近一段时间里）上菜场，明显觉着菜价(jhian〈形〉便宜)了勿少，疫情控牢了，生产上去了，天气又帮忙季节到了，搿蔬菜价钿像股票一样跌跌跌，青菜从12块一斤跌到三块，时鲜货草头也就八九块洋钿，别的一般侪勒五六块洋钿。

猪肉均价从45块回落到35元，也是力度勿小，鸡蛋鸡肉侪回到旧年水平了。

现在季节正是吃大闸蟹辰光，价钿维持旧年还稍为（'saowhe〈副〉稍微）低了眼。

搿能一想，心里获得感满足感又上来了。

现在生活条件好了，吃肉已经老平常了，一日也勿可缺个。

常庄看见报纸浪网浪讲美食个文章，红烧肉闷肉腊肉是最最多个，啊里家饭店熟食店个最好？

啊里搭个私房红烧肉最好？

叫侬眼花落花（ngeholokho眼花缭乱，看不清楚），馋虫也（bhe〈动〉爬。

读办）出来。

我屋里相比而言还是吃鱼多过吃肉，吃鸡胜过吃肉，但我烧红烧肉拷大排自有一功，有吃到过个同事朋友邻居侪讲忘记勿脱搿味道。

必过，我过日脚冰箱里还是常备一样物事（mhekshy〈名〉东西。

读：末事），搿就是肉丝，就因为伊是只百搭。

称一刀鲜嫩夹心或者梅花肉，拿伊汏干净（lik〈动〉带水之物，让水自行滴干或漏干）干切细，加料酒少许水伴匀，起油镬五分热煸透盛起，冷了以后就进冰箱冷藏了。

其实叫是上海人做人家（节俭），相信交关人家也是搿能个，几十年来个老习惯了。

想想三年困难时期，一个人一只号头（hhaodhou①〈名〉月。

②〈名〉号码）二两半肉，哪能吃法？

小户人家也只好是肉丝肉片了，炒只菜挑一眼叫夹鲜头。

记得林栋甫过去有只苏北上海话个段子，里向有一句还记得牢，叫啥“难扳滴难扳滴咸菜炒肉丝”，就是伊歇辰光（'yixikshenguang那时；当时）大多数人家个日常生活写照。

困难时期过脱直到文革初期，经济恢复，物质供应一眼眼丰富起来，吃肉每人半斤了，但总归是紧张货。

文革前一年，我伲区副食品公司下头一只新村菜场，新推出盆菜零售，冲洗干净个蔬菜配上鸡鱼肉蛋，买转去再冲洗一潽就可以下镬烧了，老受顾客特别是双职工小青年欢迎，最主要伊装盆里个肉丝肉片是免肉票个，一般一盆里也就二三两肉，但吃小炒是足够了。

迭家菜场搿桩事体老快就登上《人民画报》了，跟勒拉好几家全国性大报侪来采访报道，一时头浪（yikshydhoulang短时间内），全国各地来取经个人是络绎勿绝。

盆菜是比较适应大城市快节奏生活个市民群众个，勿是讲上海人精明！

伊歇辰光（'yixikshenguang那时；当时）想出搿金点子个菜场支部书记的的刮刮（dikdikguakguak完完全全，确确实实）是个聪明人，伊个事迹也因此远扬市内外了。

取消凭票供应已经三十多年了，从口粮到副食品到日用品，林林总总个各色票证侪变成收藏品了，搿侪是改革开放个功劳。

噶咾讲过去个物质生活呒啥好怀念（whani“怀”读“坏”），还是当作一番记忆！

必过，好习惯好传统还得要传下去，过日脚还得讲究细水长流，勿可铺张奢（so沙、纱、砂、紗、莎、痧、裟、鲨、鯊、赊、畲、賒、舍）侈（cy厕、次、刺、粢、痴、齿、耻、疵、雌、此、粢），上海人还是再精明下去为好。

就讲搿碗肉丝，热天来碗榨菜肉丝汤，冷天来只咸菜肉丝做面浇头，像现在时节茭白肉丝、肉丝炒藕也算是时鲜菜，手艺好个，来个鱼香肉丝，鲜香咸甜酸忒开胃了。

假使有客人登门，侬备了七荤八素之后，勿妨再加一菜，鸡蛋木耳炒肉丝，保侬南北客人老老小小侪欢喜得勿得了。

过日脚，屋里常备一碗肉丝。

（20201103）凡本公众号发布的文字、音频、视频等内容，如需转载，请先联系：邮箱llz978@163.com转载请务必注明来源：【学上海话】公众号 已关注 关注 重播 分享 赞 视频详情 朗读者简介作者简介：作者白米老师简介：白米（笔名）作者简介：七秩翁，上海松江人。

在市区生活已一甲子，工作四十年。

赋闲在家，关注沪语方言，也写写乡土文字，以留住昔日记忆，提起年青人之兴趣。

△白米老师朗读者简介朗读者简介：郁琴妹 播音名(琴妹) 原宝山广播电视台一级播音员。

从事播音工作42年。

90年代初曾两次借调上海人民广播电台《对农村广播》做替播，与顾大伟老师、朱叶进老师搭档直播节目。

△郁琴妹老师特别顾问简介：张林龙，男，本乡本土本地人。

现为【学上海话】微信公众号特别顾问，上海政法学院教授，九三学社社员。

其长期从事教学和科研工作，业余时间把主要精力集中在沪语文化的保护和传承工作上，坚持传承上海地域文化，保护本土传统语言。

他经常亲自拿文章改编成沪语，并对文章中的字作解释，方便新上海人学习。

由他改编的文章或指导改编的文章，请播音员朗读后，多次被上海发布、徐汇发布、闵行老干部、闵行报社、侬好上海等官方公众号、上海人民广播电台采用。

△张林龙老师（左）钱程老师（右）扫描二维码关注更多精彩图片来自网络 版权归原作者所有责任编辑|杨张悦在看点一下